К 125-летию П.А.Ойунского организована декада: проведены уроки, фотоконкурс «Мин Ойуунускайым», конкурс рисунков, видеороликов, участие в викторине, проведенной редакцией газеты «Кэскил» «Мин ырыам ылланыа! Мин аатым ааттаныа!, авторами проекта являются МО учителей родного языка, школьная библиотека им. К.Е.Иванова, сельская библиотека.

Элгээйи Ойуунускайы ааҕар

Үс Саха төрүөҕэр

Үөрүүлээх күнүгэр,

Мин ырыам ылланыа

Мин аатым ааттаныа...

П.А.Ойуунускай

Саха советскай литературатын төрүттээччи, бастакы учуонай-лингвист, прозаик, поэт, драматург, биллиилээх общественнай деятель, саха норуотун чулуу уола Платон Алексеевич Ойуунускай төрөөбүтэ 125 сылыгар аналлаах биһиги нэһилиэкпитигэр улахан, өрө көтөҕүллүүлээх тэрээһин ыытылынна. Тэрээһин “Элгээйи Ойуунускайы ааҕар” диэн бырайыак чэрчитинэн Уйбаан Нуолур аатынан модельнай библиотека, “Оһуор” КК, П.Х.Староватов аатынан Элгээйи орто оскуолата, С.А.Зверев-Кыыл Уолун аатынан Элгээйитээҕи фольклор музейа, “Кэнчээри”, “Елочка” оҕо уһуйааннара бары кыттыһыылаах ыытылынна. Ол курдук, нэһилиэк уһуйааннарын иитээччилэригэр П.А.Ойуунускай оҕолорго анаабыт “Өйдөөх оҕо”, “Омуннаах оҕо” айымньыларын ааҕан билиһиннэрии, бу айымньыларынан уруһуй күрэҕэ ыытылынна. Уруһуй күрэҕэр: 1м. – Григорьев Уйгулаан “Кэнчээри”, 2м. – Яковлева Эва “Кэнчээри”, 3м. – Никитин Никита “Кэнчээри”. Алын кылаас оскуола оҕолоругар суруйааччы айымньыларын уус-уран ааҕыыга видео-күрэх, “Өйдөөх оҕо”, “Обуннаах оҕо” кэпсээннэргэ уруһуй күрэҕэ ыытылынна. Оҕолор сүрдээх үрдүк таһымнаахтык бэлэмнэнэн куонкуруска кытыннылар.

Уруһуй күрэҕэр: 1-2 кылаастарга - 1м. – Яковлев Денис. 2 а кыл., 2м. – Игнатьева Олеся, 2 а кыл., 3м. – Винокуров Алгыс, 2 а кыл.,“Кэскиллээх уруһуйдьут” анал аат – Кириллина Айна, 1 кылаас, 3-4 кылаастарга - 1м. – Винокурова Лиана, 4 кыл., 2м. – Захарова Виолетта, 3 кыл., 3м. – Сысолятина Алиса, 3 кыл., “Кэскиллээх уруһуйдьут” анал аат – Алексеева Дайаана, 4 кылаас. Оҕо искусство оскуолатын уруһуй кылааһыгар: 1 м. – Иванова Айсиэна, 2м. – Федотов Максим, 3м. – Павлова Белла, “Кэскиллээх уруһуйдьут” анал аат – Исакова Эвелина буоллулар.

Маны таһынан “Биһиги Ойуунускайы ааҕабыт” хаартыска күрэҕэ ыытылынна, 1м. – Николаев Никита, 1 кыл., 2м. – Иванов Вадим, 6 а кыл., 3м. – Кириллина Айта, 1 кыл., “Урукку кэм тыына” анал аат Коркин Егор, 8 а кыл.

“Ойуунускайы дьиэ кэргэнинэн ааҕабыт” хаартыска күрэҕэр: 1м. – Коркин Гриша, 7 а кыл., 2м. – Дьулустаан, Ньургустаан Сюльскайдар, 3м. – Джуалов Стасик, 7 а кыл., “Бастыҥ хаартысканан дьүһүйүү” анал аат Трофимова Уйгулаана, 7 а кыл., “Мин Ойуунускай дойдутугар сырыттым” анал аат Григорьев Никита, 2 б кыл., “Мин Ойуунускайым” хаартысканан дьүһүйүүгэ: 1м. – Андреева Олеся, 3 кыл., 2м. – Татаканова Алтынай, 1 кыл., 2м. – Макарова Аелина, 2 а кыл., “Ойуунускайы омуннаахтык ааҕыы” анал аат Григорьева Лилияна, 5 а кыл., “Бастыҥ уобарас” анал аат Ким Настя, 3 кыл., “Бастыҥ хаартысканан дьүһүйүү” анал аат Миронова Туяра Станиславовна, алын кылаас учуутала буоллулар.

Оскуолабыт орто сүһүөх кылаас үөрэнээччилэригэр, төрөппүттэргэ Ойуунускай олоҕун, айымньыларын билиини тургутар “Өй күрэҕэ” ыытылынна. Манна 4 оҕо, 2 төрөппүт хамаандаҕа кытынна: 5-6 кылаастарга – 1м. – 5б кыл., 2м. – 6 а кыл., 3м. – 6б кыл., 7-8 кылаастарга – 1м. – 7 а кыл., 2м. – 8б кыл., 3м. – 8а кыл. ылан үөрэн-көтөн тарҕастылар. Күрэххэ оҕолор эрдэ бэлэмнэнэн Ойуунускай хоһооннорун аахтылар, “Сүүс сыллаах улуу былаан” айымньытынан 3 мүнүүтэлээх иһитиннэрии оҥордулар.

Суруйааччы айымньыларын уус-уран ааҕыыга улахан дьон видео-күрэҕэр оскуолабыт учууталлара үгүстэрэ хабыллан кыттыыны ылбыттара сүрдээх хайҕаллаах суол. Ол курдук күрэх түмүгүнэн 1 м. – Элгээйи орто оскуолатын эр дьон бөлөҕө “Ийэм Дьэбдьиэкэй уҥуоҕар”, 2м. – “Бырастыы” хоһоонунан оскуола үлэһиттэрин, учууталларын бөлөҕө, 3 м. – “Кэтэһии” хоһоонунан оскуола үлэһиттэрин, салалтатын бөлөҕө, “Бастыҥ театрализованнай туруорааһын” анал аат Элгээйи орто оскуолатын алын сүһүөх кылаас учууталларын бөлөҕө буоллулар.

Улуу киһиэхэ аналлаах кылаас чаастара, библиотечнай уруоктар аныгы технологияны үрдүк таһымҥа туһаныллан ыытылынна. Нэһилиэк олохтоохторугар “Дьурулуйар Ньургун Боотур” олоҥхону ааҕан, дискэҕэ түһэрэн тарҕатыы, үйэтитии үлэтэ ыытылынна.

Уонна дьэ улуу киһибитигэр П.А.Ойуунускайга ый устата ыытыллыбыт бырайыак түмүгүн сахалыы сылаас чэйдээх, алгыһынан угуттаммыт алаадьылаах, төгүрүк остуол тула түмсэн, оскуолабыт библиотекатыгар ирэ-хоро кэпсэттибит, санаа үллэһиннибит, “Дьурулуйар Ньургун Боотур” олоҥхону ааҕыынан үлэбитин түмүктээтибит. Ити курдук, саха тыллаах баарын тухары Платон Алексеевич Ойуунускай аата чахчы даҕаны ааттана туруо диэн итэҕэйдибит.

П.Х.Староватов аатынан Элгээйи орто оскуолатын

саха тылын, литературатын учуутала Павлова Людмила Николаевна.

.